Por fin chegou o día!
Na sesión séptima do obradoiro xuvenil Oia en sepia fomos de excursión a lugares que aparecen nalgunhas das fotografías antigas que temos ido recompilando dentro do proxecto. O obxectivo é poder facer unha comparativa e analizar os cambios na paisaxe e o patrimonio local ao longo do tempo.
Percorrimos lugares de Burgueira, Loureza, Pedornes, o Arrabal e Mougás, buscando os puntos exactos que aparecían nalgunhas das imaxes en branco e negro que temos ido localizando nos últimos días do obradoiro.
Saímos no autobús ás 9.00 horas e rematamos á hora do xantar, para comer todos xuntos, descansar un pouco e tomar forzas. Canto levamos traballado neste proxecto #oiaensepia!
De todas estas imaxes faremos unha escolma para organizar unha pequena exposición… A ver que tal nos queda!
Oia en sepia 