Traemos novidades no Proxecto #Oiaensepia!
A exposición coa selección final de fotografías do proxecto #Oiaensepia poderá visitarse durante a Semana Cultural de Mougás. A mostra reúne un conxunto de imaxes antigas de Oia, recompiladas pola rapazada participante no obradoiro, e outras fotografías actuais feitas por eles e elas mesmas.
Trátase de comparar o pasado e presente de distintos lugares e, así, reflexionar sobre a evolución do patrimonio local e a necesidade da súa conservación para o futuro.
A exposición poderá visitarse a partir do luns 23 pola tarde na Casa Cultural de Mougás.
Aquí vos compartimos a programación completa da Semana Cultural, organizada pola Asociación de Veciños de Mougás.
Aproveitamos tamén para desexarvos unhas FELICES FESTAS!!!
Oia en sepia 